الأحد، 23 فبراير 2014

عيد الحب مش حرام


احم احم
 النهاردة 14 /2 ايوة 14 فبراير ... اها ايوة يا باشا عيد الحب ♥

 اسكت يا اخى حرام عليك انت تسمع كلام الكفر ده وهتتبع افكارهم انت مسمعتش الفتوى بتاعت الشيخ علان ال فلاني انه بيحرم الاحتفال بعيد الحب ويذنب اللى يبيع الورود و الهدايا لانها بدعة وكل بدعة ضلالة وكل ضلالة ف شاليه جمب شاليه ابو لهب في جهنم :D


 يعنى ايه ؟؟ اللى انا عملته ده حرام ... فلوسي راحت في الحرام الود اللى باعلى الهدية " ملكش دعوة ايه هيا " كسب فلوس حرام لليه هو باع بانجو ما علينا حرام حرام :O

 - ايه ده هو نحن هنصدق اي حاجة كدا لا طبعا مينفعش هو خلاص حرام الشيخ قال كدا يبقى انت تسكت خالص  -_-

 ايوة هو حرام عشان بدعة واللى ابتدعها طبعا فلانتين اللى هو مش مسلم يبقى كدا لازم نحرم الكهربا عشان اديسون مش مسلم " مستغرب ليه ما هو نفس المنطق " وعلى نفس المنطق بردوه نحرم الكهربا و الكمبيوتر اللى انت فاتح منه و الفيس بوك اللى انت شغال عليه لييييييه عشانهم بدعة يا حبيبي وعاملينها ناس مش مسلمين :)

 انت بتقول ايه باقولك حرام بعدين ده مش عشان بدعة وبس
 اها امال عشان ايه

 اممممممم عشان ده غلط وبيقعدوا يهدوا بعض دباديب وورد وفلوس بتروح ف حاجات حرام وحاجات كدا استغفر الله العظيم

 طيب بالراحة كدا عليا يعني انا لما ازيد علاقتى مع حد ده يبقى حرام وبعدين نحن هنا بنزود علاقة هي موجودة اصلا يعنى تحريمك ده مش هيغير حاجة فاهم ؟! :D

 كلامى النهاردة مش عشان احرم حاجة ولا احلل حاجة بس منتظرين ايه من شيوخ " البعض وليس الكل " بيفكروا بعقول مدخلهاش اي علم تانى غير الدين

 - طبيعي جدا يكون عندهم الانغلاق الفكري دى
 طبيعي جدا يشفوا الحب حرام مع ان الرسول كان بيحب اهل بيته وكان بيقول في معنى الحديث ان محدش يحاسبه على اللى في قلبه
 - طبيعي جدا يشوفوا الحب حرام عشان شايفين اي علاقة بين الولد والبنت حرام حتى لو كانت في شغل او دراسة
 - طبيعي جدا يشوفوا الحب حرام عشان لسة بيفكروا يفتحوا باب العربية باليد اليمين ولا الشمال
 - طبيعي جدا يشوفوا الحب حرام لانهم نفسهم اللى كانوا السبب ف حرق كتب ابن رشد و الغزالي و الاصفهاني
 - طبيعي جدا يشوفوا الحب حرام لانهم هما واللى قبلهم واللى كانوا على نفس تفكيرهم اللى كفروا الفارابي و الرازي وابن سينا والكندي و الغزالي
 - طبيعي جدا طبيعي جدا نشوف العلاقات الانسانية بتتحرم منهم

 بعيد عن الحلال و عن الحرام
 ايه المشكلة ان اثنين بيحبوا بعض يفرحوا فيوم مع بعض ؟
 ايه المشكلة ان اثنين بيحبوا بعض يجددوا املهم انهم يكونوا لبعض في اليوم ده؟
 ايه المشكلة ان اثنين مخطوبين يحلموا باليوم اللى هيجمعهم في يوم زي ده ؟
 ايه المشكلة ان اثنين متجوزين يرجعوا ايام الدلع والشقاوة في يوم زي ده ؟
 المشكلة مش ف حلال ولا ف حرام ولا ف كلام شيوخ المشكلة اننا بنسمع وننفذ وبس ومسالناش نفسنا ف يوم ايه الغلط ف كدا اللى يخليني ما اعملش كدا ؟

 وفي الاخر " كل عيد حب وانتو مبسوطين اذا كنتوا مرتطبين او سناجل "
:)

ليست هناك تعليقات:

ال سعود و ال نهيان والشيطان في مكان ما

علم دولة السعودية والامارات العربية طفولتي التي قضيتها في احضان بلاد الحرمين حيث قبلة المسلمين التي تدر الملايين على ال سعود وحيث ال...